РУСКИ КЕРЕСТУР – Пията порядна схадзка Националного совиту (НС) Руснацох, з вичерпним дньовим шором, будзе отримана нєшка на 18 годзин, у просторийох Дома култури у Руским Керестуре.
Окрем розправи о дзепоєдних проєктох, як цо участвованє у проєкту Мисиї ОЕБС у Сербиї, розпатранє моделох финансийного надополнєня школяром, розправа и приношенє одлукох вязаних за функционованє Одбору за службене хаснованє язика и писма, будзе надосц одлуки Вивершного одбору котри НС ма одобриц.