РУСКИ КЕРЕСТУР – Порядна схадзка Националного совиту (НС) Руснацох, двацецпията по шоре, будзе отримана нєшка, 14. марца на 18 годзин у просторийох Дома култури у Руским Керестуре.
На схадзки ше будзе розпатрац Финансийни звит и закончуюци рахунок Националного совиту Руснацох за 2021. рок, а на обсяжним дньовим шоре и даванє согласносци на финансийни звити и плани роботи установох чий снователь НС Руснацох.
Єдна з порядних темох на початку каждого календарского рока и розправа о Календару репрезентативних манифестацийох Руснацох, як и розправа о местох наступних отримованьох Централней преслави Националного швета Руснацох.
На нєшкайшей схадзки предвидзене и приношенє одлуки о реаґованю на ситуацию у України.