ДЮРДЬОВ – У просторийох КУД „Тарас Шевченко” у Дюрдьове нєшка будзе отримана штварта порядна схадзка Роботного цела за младеж Националного совиту (НС) Руснацох.
Як и влонї, Роботне цело розпише конкурс за реализованє младежских проєктох у рускей заєднїци, а на нєшкайшей схадзки члени одредза критериюми хтори подношителє, односно проєкти, муша сполнїц же би достали средства.
Роботне цело ма предложиц и особу до 35 роки з рускей заєднїци, котра будзе у конкуренциї за додзельованє тогорочней награди за сучасну творчосц „Искри култури”, спред НС Руснацох.
На дньовим шоре и прилапйованє звитох о роботи и финансийох Роботного цела за 2015. рок.