РУСКИ КЕРЕСТУР – У канцелариї Рускей матки нєшка на 18 годзин будзе заєднїцка схадзка Управного одбору Рускей матки и РО Глашнїка Рускей матки Руснак.
На дньовим шоре штири точки, а перша розпатранє потребох и можлївосцох за урядове реаґованє РМ на нєурядово одлуки и опредзелєня Националного совиту Руснацох и його Роботного цела за младих по питаню даваня потримовки РМ и одобрйованя средствох по проєктох РМ и Союзу Руснацох Укрїнцох у Сербиї.
Розпатрац ше будзе и менованє членох Одбору РМ за образованє и його програми роботи, як и Одбору за медзисобне сотруднїцтво членских орґанизацийох Шветового конґресу РРЛ.
На дньовим шоре и розпатранє можлївосцох за обезпечованє средствох за друкованє двох числох глашнїка РМ Руснак.