СЕРБИЯ – Нєшка почина применьованє Закона о предшатвовим финансованю, хтори подрозумює лєгчейше доходзенє до пенєжу, на способ жек польопривреднїки за финансованє початних укладаньох до продукциї заложа будуци род.
Закон прилапени у новембре 2014. року, вєдно зоз Законом о робним записох, хтори оможлївює хаснованє маґазинованого роду як средства финансованя у послешатвовим периодзе. Як преноши Танюґ, фаховци думаю же Закон о предшатвовим финансованю цалком отримуюци.
Хаснователє предшатвового финансованю можу буц физични и правни лїца, та поднїмателє. У контрактох хтори польопривренїки буду подписовац постоя и условия, а єден з нїх то обовязне осиґуранє будуцого роду.
Держава оможлївела запровадзованє такей пракси так же подписала контракти з дзепоєднима банками хтори буду виплацовац пенєж, а контракти о предшатвовим финансованю буду заведзени у Аґенциї за привредни реґистри.
Бразил перша держава хтора уведла Закон о предшатвовим финансованю ище пред 20 роками, цо ше указало як добра пракса, а як наглашоване на вецей заводи, Сербия перша держава у Европи хтора уведла Закон о предшатвови финансованю.