Од нєшка и дзецински представи

автор зам
1.1k Опатрене

РУСКИ КЕРЕСТУР – Од нєшка, 18. априла, на Драмским мемориялє Петра Ризнича Дядї почина виводзенє и дзецинских представох, так же по штварток, 21. априла, буду одбавени штири таки представи ансамблох з наших местох.

Перша з нїх будзе „На терапиї у Милеви” младей авторки Катарини Фейди, котра и режисерка тей представи витвореней у продукциї КПД „ДОК” з Коцура. Як и шицки, и нєшкайша дзецинска представа на Мемориялє почина на 13 годин у Велькей сали Дому култури.

На ютре з дзецинску представу участвує КУД „Тарас Шевченко” з Дюрдьова, на поютре Руске КУД „Др Гавриїл Костельник” з Кули, а на штварток Драмски студио АРТ керестурского Дому култури.

Нєшка и на ютре на Мемориялє нє будзе вечарши, односно представи за старших, а на стреду, 20. априла, на Драмским мемориялє госцує Културни центер Кула, з познату комедию Бранислава Нушича „Подозрива особа”, у режиї Драґана Остоїча.

ПОВЯЗАНИ ТЕКСТИ