НОВИ САД – Нови предсидатель Покраїнскей влади Иґор Мирович гварел же ше окончує детальни анализи роботи дотерашнєй покраїнскей администрациї, на основи чого ше од єшенї почнє применьовац програму новей Влади. Окремну увагу Мирович заплановал пошвециц економскому розвою, инвестицийом, польопривреди и образованю.
– Главни приоритет нам економски розвой, а з тим и комуникация з инвеститорами, добудовйованє дїловного амбиєнту и помоц нєрозвитим општином, хторих у Войводини, нажаль, єст вельо – гварел Мирович за „Блиц“.
Окрем на нових проєктох, будзе ше робиц и на закончованю вибудови и оспособйованє Жежельового мосту, Народного театру у Суботици, Клїнїчного центру Войводини и Каменїци 2, хтора урядово отворена, алє нє роби.
Мирович наявел и обнавянє основних и штреднїх школох, як и школярских и студентских домох.
– Плануєме направиц розвойну аґенцию Войводини, хтора би облапяла даскельо дотерашнї аґенциї и фонди, дзе на єдним месце буду шицки потенцияли, финансийни елементи за субвенциї и за контакт з потенциялнима инвеститорами. Шицки 45 войводянски општини ше буду операц на розвойну аґенцию Сербиї, хтора помогнє у витворйованю наших проєктох – гварел Мирович.