Означени Дзень городу

автор сен
1.1k Опатрене

НОВИ САД – З нагоди означованя Дня городу Нового Саду, у Шветочней сали Городскей хижи отримани приєм 32-ох делеґацийох городох з хторима Нови Сад побратимени и з хторима сотрудзує.

Городоначалнїк Нового Саду Милош Вучевич повинчовал Новосадяном Дзень Городу и гварел же числени госци зоз Сербиї и иножемства резултат добрих одношеньох и виражел сиґурносц же у наиходзацим периодзе Нови Сад здобудзе ище приятельох, та докаже же є город отвореного шерца.

У Сербским народним театру отримана Шветочна академия, на хторей городоначалнїк Вучевич уручел Фебруарску награду Йованови Деяновичови, дакедишньому городоначалнїкови Нового Саду.

– Понеже сом длуго робел у городзе, вше сом чувствовал потребу помогнуц и допринєсц, цо сом и робел. Од мая 1942. року, кеди сом пущени з лаґру, стационовал сом ше у Новим Садзе и шицки добри, та и менєй добри ствари хтори ше збували, доживйовал сом зоз задовольством – гварел Деянович. Награду, вредносци 130 000 динари, Йован Деянович подаровал Школи за основне и штреднє образованє „Милан Петрович”, за набавку потребней опреми.

ПОВЯЗАНИ ТЕКСТИ