НОВИ САД – На Ирижским венцу при Памятнїку шлєбоди, з покладаньом венцох вчера означени 7. юлий – Дзень повстаня, односно 74 роки антифашистичного повстаня у Сербиї.
З тей нагоди бешедовал и подпредсидатель Покраїнскей влади Мирослав Васин, та визначел же тот дзень нє лєм дзень повстаня народу у Сербиї, алє початок борби процив фашизму у цалей Югославиї, хтора мала вельо геройох порихтаних дац свой живот за шлєбоду.
Предсидатель покраїнского Здруженя борцох НОР (СУБНОР) Светомир Атанацкович наглашел историйни обставини хтори приведли до повстаня. Окрем представнїкох СУБНОР и гражданох, венци на памятнїк положели и припаднїки Войска Сербиї, Союзу антифашистичних борцох, та представителє Дистрикту Брчко.