КОЦУР – У рамикох 25. Спортских бавискох „Яша Баков” всоботу, 10. септембра, у Коцуре отримани турнир у малим фодбалє за ветеранох. Домашнї змаганя бул ФК „Искра” з Коцура, на чиїм стадионє бавени змаганя, а победзели фодбалере-ветеранє з Нового Орахова.
На турнире участвовали пейц екипи з по 8 и менєй бавячох старших од 35 роки, хтори бавели кажда з кажду. Єден полчас тирвал 10 минути,
Бавяче КПД „Петро Кузмяк” з Нового Орахова перше место освоєли з трома побидами и єдним нєришеним змаганьом, друге место освоєла екипа Руского културного центру з Нового Саду, треце екипа КПД „Карпати” з Вербасу, домашня ФК „Искра” освоєла штварте место, а комбинована екипа Руснацох з Горватскей пияте место.
По законченю турниру бавяче и орґанизаторе мали заєднїци полудзенок и друженє, на хторим предсидатель Спортских бавискох „Яша Баков” Иван Папуґа екипом уручел дипломи, а побиднїцким и медалї.