БЕОҐРАД – На Конференциї о младежскей политики у локалней заєднїци „Вєдно за младих“, хтора отримана вовторок, 27. септембра, основана Мрежа за младих Стаємней конференциї городох и општинох (СКГО). Мрежа будзе представяц механїзем хтори оможлїви творенє и евалуацию младежскей политики и злєпшанє квалитету услугох у локалних самоуправох.
Ґенерални секретар СКГО Дьордє Станичич з тей нагоди гварел же популация младих можебуц найзначнєйши слуп каждого дружтва, а вельо мож поробиц кед млади на час буду обвисцени о тим цо их интересує у локалней заєднїци и на националним уровню.
Министер младежи и спорту Ваня Удовичич гварел же Конференция „Вєдно за младих“ ма указац на значносц младих, а у наиходзацим периодзе треба потенцировац младих котри успишни – спортистох, младих поднїмательох, науковцох, виглєдовачох, волонтерох итд.