КОЦУР – После Вечаршей Служби Божей, вчера у грекокатолїцкей церкви у Коцуре отримана промоция зборнїку молитвох „Молитви”, хтори видал Манастир шестрох Служебнїцох НДМ у Коцуре.
На промоциї було досц вирнїкох, а о молитвенїку бешедовала ш. Михаила Воротняк, котра и одвичательна редакторка тей кнїжочки. Видаванє зборнїку привитал и парох о. Владислав Рац.
У зборнїку ше находза шицки молитви хтори вирнїки хасную модляци ше у ґрупох, лєбо на само през цали рок, пошоровани хронолоґийно, як и дзепоєдни шпиванки.
Заинтересовани за зборнїк „Молитви” най ше явя до манастиру, лєбо на парохию, а цена зборнїку 250 динари.
