БАЧИНЦИ – Вчера у Парохийней сали у Бачинцох отримана промоция кнїжки поезиї ,,Попатрунок” Зденка Лазора з Бикичу, у орґанизациї Дружтва за руски язук, литературу и културу.
Спред Дружтва, хторе видало тоту кнїжку по руски, о нєй и о авторови бешедовала Ирина Папуґа, рецензию Дюру Латяка пречитала наставнїца Златка Сивч Здравич, док автор Зденко Лазор присутним на промоциї пречитал даскельо писнї зоз кнїжки, по руски и по сербски.
Попри промоциї кнїжки, у мено Дружтва за руски язик, литературу и културу Ирина Папуґа школяром котри пестую руски язик у Основней школи у Бачинцох – Теодори Жанплонґ и Слободанови Дудичови, котрим руски язик нє мацерински, придала Подзекованє хторе ноши мено учительки Славки Сабадош.
Подзекованє и кнїжки достал и Александар Радин з Бачинцох, студент першого року историї Филозофского факулетату у Новим Садзе, а котри як виборни предмет вибрал руски язик.
У мено домашнїх госцох привитал парох о. Дарко Рац, котри гварел же барз значне же у Сриме маме таких поетох як Зденко Лазор.
