КОЦУР – Вчера вечар упросторийох Дому култури отримана порядна Рочна скупштина Месного одбору Рускей матки (МОРМ) Коцур, хтору водзела предсидателька МО Моника Гарди.
На схадзки пречитани звит о роботи, як и финансийни звит МОРМ Коцур у прешлим року, а найвецей дискусиї виволал праве звит о финансийох понеже, як потолковала Гардийова, у прешлим року з окреме малима средствами витворени надосц активносци, а предпоставка же так будзе и того року.
Як значнєйши проєкти у предходним року на Скупштини визначени соорґанизованє означованя Националного швета Руснацох у Коцуре, орґанизованє Дньох театру, участвованє у видаваню авдио-запису „Ровнї цар” Владимира Сабо-Дайка, орґанизованє Подобовей колониї „Коцур” и участвованє на Руским фестивалє малих сценских формох „Дюра Папгаргаї” у Новим Садзе.
План роботи МОРМ Коцур за 2016. рок подобни як и прешлорочни, з тим же ше того року почнє робиц на авдио-запису руских народних приповедкох. Здруженє будзе уключене и до орґанизациї означованя 70-рочнїци колонизациї у Коцуре, а тей подїї будзе пошвецена и тогорочна Подобова колония „Коцур”.
