ШИД – Зоран Семенович, заменїк предсидателя Општини Шид, вчера отримал схадзку зоз директорами основних и штреднїх школох з подруча општини.
Семенович их поинформовал же буджетни средства за просвиту, заплановани за тот рок, витворени 45,19 одсто на вчерайши дзень.
Семенович поволал директорох же би запровадзели мири шпорованя у своїх школох насампредз кед слово о драгових трошкох и дньовнїцох занятих.
На схадзки розпатрени и актуални проблеми у каждей школи хтори би требали буц у наступним периодзе превозидзени.
З оглядом же ше на схадзки спатрало и потреби школох, директоре виношели свойо плани чия реализация би була планована у општинским буджету за 2020. рок.
Нада Хримиш Аничич, директорґа Ґимназиї „Сава Шуманович“ гварела же би у 2020. року требало покончиц реконструованє електроинсталацийох, санитарни ґузел и закрице школи.
На схадзки були присутни и Бояна Мравик, началнїца Општинскей управи, Снежана Бунич, руководителька Оддзелєня дружтвених дїялносцох, Ядранка Недич, руководителька Оддзелєня за буджет и финансиї и Ромко Папуґа, заменїк секретара СО Шид.
