Отримана схадзка Управного одбору Рускей матки

автор сен   фото юнев 
982 Опатрене

РУСКИ КЕРЕСТУР – Анализа предходних и планованє наиходзацих активносцох Рускей матки (РМ) були на дньовим шоре вчерайшей схадзки Управного одбору Матки и Редакцийного одбору єй глашнїка „Руснак”. Як поведзене, єден з найзначнєйших проєктох РМ у 2016. року бул перши Медзинародни филмски фестивал „Русин Филм Фест”, за хтори члени оценєли же бул удатни, одволанє добре, алє констатовали и нєдостатки хтори нарок буду виправени.

– Перша хиба, вшелїяк, була же ше поклопели термини „Русин Филм Фесту” и „Червеней ружи”, а друга же зме нє достали обецани средства од Националного совиту Руснацох и Заводу за културу войводянских Руснацох. Но, потримовку тераз глєдаме од Покраїнскей влади, та зме ше прешлого тижня стретли з єй предсидательом Иґором Мировичом – гварел предсидатель РМ Дюра Папуґа.

3-RM-02

На дньовим шоре була и догварка о наступних активносцох у месних, Городским и  Реґионалним одборе РМ у Руским Керестуре, Кули, Коцуре, Вербаше, Новим Садзе и Шидзе. Порадзене же у децембру у шицких тих местох буду отримани презентациї глашнїка РМ „Руснак” и „Русин Филм Фесту”.

Як член Шветового конґресу Русинох/Руснацох/Лемкох (ШК РРЛ) Руска матка ше ма вияшнїц о тексту предложеного Статуту Конґресу, та предложиц евентуални вименки и дополнєня, цо на основи вчерайшей анализи тексту будзе и поробене.

На схадзки презентовани и найновше, треце тогорочне число глашнїку РМ „Руснак”.

3-RM-03

ПОВЯЗАНИ ТЕКСТИ