ШИД – На конференциї яа пресу после отриманей 52. схадзки Општинскей ради (ОР), Никола Васич, предсидатель ОР; гварел же принєшени вецей значни одлуки медзи хторима визначел одлуку о сагласносци на план розходох за Туристичну орґанизацию Шид, Установу за физичну културу и спортску рекреакцию „Партизан” и Явне подприємство „Спортски центер” зоз економских класификацийох хтори плановани у Одлуки о буджету за 2015. рок по доставанє согласносци Министерства финансийох за звекшованє вкупней маси за плаци на конту розходох у буджетней позициї за спомнутих хасновательох.
Така одлука була потребна пре зауваги хтори ище у децембре прешлого року дала Державна ревизорска институция; же би ше витворели условия за точне планованє розходох за спомнутих хасновательох, а у складзе зоз контним планом за буджетни систем.
ОР тиж прилапела и вецей одлуки и потримала звити о роботи Месних заєднїцох за 2014. рок и предложела прилапйованє ришеньох о хторих ше вияшнї Скупштина општини Шид (СО).
Звити о роботи Месних заєднїцох Ямена и Вишнїчево буду розпатрани на єдней з наступних схадзкох ОР.