СЕРБИЯ – На сайту Министерства просвити, науки и технолоґийного розвою мож достац шицки информациї о закончуюцому испиту за школярох осмих класох ОШ у школским 2014/15. року, на линку www.mpn.gov.rs/component/content/article/176-aktuelno/1858-probni-zavrsni-ispit . Тераз актуални пробни закончуюци испит, хтори у цалей Сербиї будзе 24. и 25. априла.
У рамикох пробного закончуюцого испиту, школяре осмих класох на пияток, 24. априла буду покладац тест з математики, а на соботу, 25. априла, тест з мацеринского язика и комбиновани тест, у хторим буду питаня з биолоґиї, ґеоґрафиї, историї, физики и хемиї.
Закончуюци испит, хтори будзе у юнию, перши раз уведзени 2011. року.