РУСКИ КЕРЕСТУР – Старша танєчна ґрупа дзецинскей фолклорней секциї Дому култури Руски Керестур ше з новим танцом „Дружки на вешелю” пласовала на Зонску смотру.
Пласман на висше змаганє ушлїдзел после участвованя на Општинскей смотри дзецинскей музично-фолклорней творчосци, хтора всоботу, 25. априла, отримана у Липару.
З керестурского Дому култури на Општинскей смотри участвовала и младша танєчна ґрупа дзецинскей фолклорней секциї, тиж з новим танцом з назву „Подзме дзивчаточка”. Обидвом танцом хореоґрафка Ґабриєла Саянкович.