РУСКИ КЕРЕСТУР – Орґанизатор Фестивалу рускей култури „Червена ружа”, рускокерестурски Дом култури, до наших КУД-ох послал поволанку за приявйованє шпивачох-аматерох за змаганє за найкрасши дзивоцки и леґиньски глас, односно за традицийни награди на тим змаганю – за кошарку червених ружох и чобольов.
Як и дотераз, змаганє младих будзе на менифестациї „Червена ружа”, хтора того року будзе на нєдзелю, 26. юния.
Орґанизатор надпомина же од прешлого року дуети нє уходза до конкуренциї за награди.
Шпивачох треба приявиц по 30. април до керестурского Дому култури, а подробнєйши информациї о тим, як и о других питаньох вязаних за тогорочни Фестивал (хтори у Руским Керестуре будзе од 24. по 26. юний), мож достац на числа телефонох: (025) 703-357, 703-032, моб. 064/45-42-987, лєбо писац на е-адресу: dk.kerestur@gmail.com.