НОВИ САД – У рамикох Медзинародного польопривредного сайму орґанизоване подписованє контрактох за польопривреднїкох котри достаню директни субвенциї за наводньованє и вибудов студньох, набавку конструкцийох и опреми за продукцию у пластенїкох, та процивкаменцово мрежи.
Того року зоз Покраїнского секретарияту за польопривреду, водопривреду и лєсарство за реґистровани польопривредни ґаздовства опредзелєни вєдно 985 милиони динари, а тераз подписани 35 контракти за продукцию у пластенїкох, 47 за наводньованє и 25 за процивкаменцово мрежи, чия вкупна вредносц коло 130 милиони динари. Контракти подписал ресорни секретар за Бранислав Боґарошки, хтори гварел же би тоти средства мали буц реализовани до лєта.
– То значи же под пластенїками буду 22 тисячи нови квадратни метери, а вецей як 450 гектари нових поверхносцох за наводньованє, та 114 гектари под мрежами за защиту од каменцу – гварел Боґарошки.