НОВИ САД – По конєц октобра пошати лєм коло 60 одсто з планованих поверхносцох под житом, а з каждим дньом пожнєня парасти траца на будуцим урожаю, пише РТВ. Причини за познєйшу шатву то части паданя, спомалшене ламанє кукурици пре вельку влагу зарна, алє и инертносц польодїлцох.
Як за РТВ гварел совитнїк у новосадскей Польопривредней станїци Янко Пап, застарани су же мало поверхносци, лєм дацо вецей як 30 одсто, пошати у оптималним терминє, а требали буц голєм 70-80 одсто. Така погришна пракса присутна уж 10-15 роки,
Шатву жита ше вше вецей преноши до новембра, а як гварел Пап, препущени оптимални термин за шатву жита нє мож надополнїц нї з якима укладанями до аґротехнїки. Тиж визначел же польопривреднїки котри жито пошею концом новембра, лєбо початком децембра, найвироятнєйше буду мац три тони менєй жита по єдинки поверхносци у одношеню на жито хторе пошате у оптималним терминє.