ШИД – У Руским доме у Шидзе члени Подручней канцелариї Националного совиту Руснацох, односно Управного одбору КПД „Дюра Киш” зоз Шиду, представителє наших дружтвох „Иван Котляревски” з Бикичу и „Драґен Колєсар” з Бачинцох, отримали схадзку о технїчних питаньох вязаних за хаснованє комбия хтори Национални совит Руснацох дал на хаснованє тей Подручней канцелариї.
Схадзка отримана пондзелок, 16. мая, а бешедоване о можлївосцох, потребох и з яких нагодох ше будзе хасновац превозку, о єй вожачови и шицких других питаньох хтори, у сотруднїцтве з Националним совитом, буду унєшени до окремного правилнїку о хаснованю комбия.