РУСКИ КЕРЕСТУР – У дньох викенду керестурски Русин одбавел ище два пририхтуюци змаганя пред початком ярней часци першенства у Медзиопштинскей фодбалскей лиґи Зомбор.
Всоботу, 27. фебруара, на госцованю у Кули од ФК Кула страцел зоз 3:2, а ґоли за Русин на тим змаганю посцигли Милан Дюрич и Янко Кулич.
Вчера, на своїм Ярашу, Русин бавел з Червинку и победзел зоз 4:1. Ґоли дали Стефан Ранкович, Яким Гарди, Янко Кулич и Борис Орос.
На нєдзелю Русин пририхтуюце змаганє бави у Коцуре процив Искри.