КОЦУР – Шахисти коцурского Омладинца внєдзелю, у рамикох Бачкей лиґи-ґрупа Суботица, одбавели змаганє першого кола. У Коцуре у першим колє госцовала екипа Полета зоз Растини и победзела зоз резултатом 3,5:2,5.
Єдину побиду за ШК „Омладинєц” на тим змаганю зазначел Стеван Перич, ремизовали Владимир Лазор, Споменко Павичевич и Тихомир Пушкаш, а свойо змаганя страцели Миряна Шолая и Дюра Фейса.