У центре Дюрдьова, на крижаню главней драги и побочней улїци, мож купиц домашнї ґереґи и динї по досц вигодней цени, а цена им з каждим дньом вше менша. У центру валала єст петнац продуковательох бостану, векшина дзелї думанє же цена ґереґом нє спаднє, бо у Сриме було досц ляду, та побил урожай. Донєдавна ше могло купиц лєм увозни ґереґи з Македониї и Греческей котри були вельо драгши.
На главней маґистралней драги Зренянин – Нови Сад, котра повязує и автодрагу Беоґрад-Ниш, людзе тиж викладаю свою робу и дочекую преходнїкох. Ту вельки транспорт, та єст и купцох.
Як зоз шицкима польопривреднима продуктами, так и з ґереґами и динями – цени нєстабилни, тарґовище огранїчене, а укладаня и роботи вельо. Чи ше вицагнє пенєж и чи ше виплаци цалорочна робота, алє ище вше єст польопривреднїкох котри продукую ґереґи и динї. Векшина ма стаємних купцох, та им голєм кельо-тельо сиґурне же свойо продукти предаю.