НОВИ САД – На конкурс за орґанизованє спортских програмох, хтори розписал Покраїнски секретарият за спорт и младеж, приявели ше 90 орґанизаторе. На основи значносци, числа учашнїкох, числа учашнїкох-державох и традицию даєдного спорту на наших просторох вибрани 30 манифестациї, за хтори опредзелєни 10 милиони динари.
– Гоч того року за шицки конкурси з обласци спорту буджет менши, було би нєправедно кед би у року олимпийских бавискох виостала потримовка нашим манифестацийом – визначела на уручованю контрактох ресорна секретарка Мариника Тепич.