Почало видаванє електронских здравствених кнїжочкох

автор 021/ядю
825 Опатрене

СЕРБИЯ – Нови здравствени карточки, електронски, перши у Сербиї достали хаснователє здравственого осиґураня у Валєве, а до конца 2016. року таки здравствени карточки буду мац шицки 6,9 милиони осиґуранїки у Сербиї. Тот проєкт требал буц закончени по 9. авґуст прешлого року, алє пре одпор явносци проєкт предлужени за 17 мешаци.

Гоч на цалей териториї Републики Сербиї паперово здравствени кнїжочки уж мож заменїц за електронски, проєкт почал у Валєве прето же на териториї тей филияли информацийна мрежа облапя шицки доми здравя, апатики и шпиталь.

Нова здравствена карточка випатра як карточка за банку, на нєй пише мено и презвиско, датум народзеня, адреса, особне число осиґуранїка и число здравственей кнїжочки. Податки хтори ше уноша на чип пребера ше зоз матичней евиденциї осиґуранїкох, алє нє и податки о лїкох хтори ше достанє на рецепт, анї други податки о витворйованю права зоз здравственого осиґураня.
Нова здравствена карточка кошта 400 динари, а за найзагроженших гражданох будзе безплатна.

ПОВЯЗАНИ ТЕКСТИ