БЕОҐРАД – З початком априла судски такси менши од 5 000 динари ше плаци з таксенима марками, а векши од 5 000 динари у готовим пенєжу и початок такого наплацованя символично означели министер правди Никола Селакович и директор Явного подприємства „Пошта Сербиї” Милан Кркобабич, котри купели таксени марки.
Селакович з тей нагоди наглашел же уводзенє таксених маркох єден зоз способох рационализованя правосудних орґанох, хтори буду на хасен адвокатом и странком у судских розправох.
Нова пракса плаценя скраци час чеканьох на шалтерох, а гражданє нє буду плациц провизию.
Таксени марки у апоенох од 10 до 5 000 динари мож купиц у поштох ширцом Сербиї.