По першомайских шветох предлуженє вибудови Жежельового мосту

автор ртв/сен
926 Опатрене

НОВИ САД – Представителє Влади Републики Сербиї, Покраїни Войводини и Городу Нови Сад ше порадзели о способе уплацованя пенєжу за предлуженє роботох на вибудови Жежельового мосту у Новим Садзе. Наявене же би роботи могли почац уж початком мая.

Идуцого тижня буду подписани ище два контракти – о преношеню средствох з Покраїни на Город Нови Сад и финансийни контракт з виводзачом роботох, Явним подприємством „Желєзнїци Сербиї“ и Городом Нови Сад.

Виводзач роботох обецал Министерству будовательства же роботи нє претаргнє, алє причека законченє формално-правней процедури о уплацованю дополнююцого пенєжу, гварел державни секретар Имре Керн.

Будованє Жежельового мосту почало 2011. року, а першобутни термин за його законченє мал буц конєц 2013. року. Пре финансийни нєпорозуменя, виводзач претаргнул роботи покля ше нє винайдзе способ за дальше финансованє.

ПОВЯЗАНИ ТЕКСТИ