БЕОҐРАД – Предсидатель Сербиї Александар Вучич вчера вечар сообщел же пре вирус корона запровадзени позарядови стан на териториї цалей Републики Сербиї, ступа на моц такой.
Одлуку о преглашењу позарядового стану принєсли предсидатель Сербиї Александар Вучич, предсидателька Влади Ана Брнабич и предсидателька Народней скупштини Мая Ґойкович.
По схадзки предсидатель Вучич сообщел явносци мири подняти у складу з уставнима овласценями, а пре охрану од вирусу корона :
- од ютра нє будзе настави у школох, найвироятнєйше 2–8 тижнї, а можебуц и по конєц школского року. Нє буду робиц анї дзецински заградки и факултети;
- шпиталї у котрих ше лїча хори од вирусу корона будзе чувац Войско;
- полиция будзе запровадзовац надпатрунок над тима котри под изолацию. Тоти котри потупя наредбу о изолациї можу достац три роки гарешту;
- строго ше апелує на людзох старших од 65 рокох же би нє виходзели з обисцох. Будзе ше контроловац як ше почитує оставанє у обисцох и кед потупйованє будзе векше як 0,1 и 0,2 одсто будзе принєшена обовязуюца одлука о оставаню у обисцох и дворох;
- забранєни явни сходи у завартим просторе у хторим ше находза вецей як 50 особи
- гранїци Србиї од нєшка заварти, окрем за дипломатох, страних државянох з пребувалїшним допущеньом и сербских державянох котри ше врацаю з иножемства.
Предсидатель Вучич апеловал на гражданох же би нє правели резерви основних поживових артиклох, бо за тото нєт потреби, понеже маме досц и муки и олєю, цукру, рискаши и други артикли.
У Сербиї по 18 годзин реґистровани вкупно 48 потвердзени случаї вирусу корона.