НОВИ САД – Покраїнска влада утвердзела предкладанє же би „Войводянска академия наукох, уметносцох и култури“ (ВАНУК), хтора тераз функционує як нєвладова орґанизация, постала явна установа. Предкладанє будзе прешлїдзене до Скупштини Автономней Pокраїни Войводини, на розпатранє и усвойованє.
Задаток ВАНУК будзе же би унапредзела обласц науки, уметносци и култури на териториї Войводини, очувала ровноправносц и розличносц културох националних меншинох-заєднїцох хтори ту жию.
Як сообщене, ВАНУК будзе зазберовац и преучовац материяли зоз обласцох науки, уметносци, та култури Войводини, а будзе ше и занїмац и зоз видавательну дїялносцу.