ШИД – Предсидатель Општини Шид Предраґ Вукович, зоз сотруднїками задлуженима за економски и социялни питаня, примал гражданох у рамикох акциї „Дзень отворених дзверох“.
Як наведзене з Кабинету предсидателя, на розгварку од 12 до 14 годзин пришло векше число гражданох котри глєдали ришеня за свойо особни проблеми, за цо ше остараю компетентни установи, з потримовку локалней самоуправи.
„Дзень отворених дзверох“ и надалєй будзе раз мешачно, пре евидентованє и ришованє проблемох гражданох.