НОВИ САД – Всоботу, 16. априла, у Руским културним центре (РКЦ) у Новим Садзе отримана премиєра представи „Божеска ноц” Миру Ґаврана, у режиї и адаптациї Звонимира Павловича.
Пейцчлени убавени ґлумецки ансамбл одлично одбавел интересантну приповедку о театру у театре, о одношеню власци ґу поєдинцови. Шицко ше збува у чаше краля-Слунка, французкого монарха Луя 14, котри пожадал дакус скоштовац з тривиялного живота, та ше дружи з писательом Молиєром и дворским Дурнїлом. З позициї власци и моци розришує ше шицки проблеми.
У представи ґлумя Борис Фейди, Славко Бучко, Иґор Горняк, Любица Фечо и Александра Живкович.
За дизайн звука задлужени Мирослав Пап, дизайн шветла Ириней Гудак, костими обдумала Вукица Павлович, сценоґрафию Боґданка Сопка, асистент режиї Ненад Илич, а продуцент Наташа Макаї Мудрох.
