РУСКИ КЕРЕСТУР – У керестурскей парохиї св. оца Миколая, вчера, 8. септембра, вирни преславели швето Рождество Богородици – Малу Матку Божу по григориянским календаре. Того дня у каплїци Исусових малих шестрох на Циґлашоре преславени и Кирбай.
Кирбайску Службу Божу у нєвелькей манастирскей каплїци, дзе тераз стаємно жию два шестри, служел парох о. Михайло Малацко, котри шестром повинчовал Кирбай, а апостол читал Янко Цап. На Служби були и шестри Служебнїци, на чолє з провинцийну ш. Веронику Гралюк, и други вирни.
На Малу матку Божу Служби Божо були и у Катедралней церкви на 8 и 19 годзин, хтори, як и Вельку у Водици на 10 годзин, служел и наказовал капелан о. Михайло Шанта.