КОЦУР – Вчера, на швето Шицких святих по григориянским календаре, парохиянє римокатолїцкей церкви у Коцуре преславели Кирбай, а на валалских теметовох нащивени гроби и палєни швички.
Кирбайску Службу Божу на 11 г. служели о. Кароль Сабади, котри обслужує коцурску церкву и о. Карло Милер з Вербасу, котри и наказовал, а сослужели грекокатолїцки священїки – коцурски парох о. Владислав Рац, о. Яков Кулич и старовербаски парох о. Алексий Гудак.
Нєшка на 9 г. у каплїци на римокатолїцким теметове будзе Служба Божа за шицких покойних, а потим буду пошвецени гроби.