РУСКИ КЕРЕСТУР – На вчерайшей програми манифестациї „Нїтки Меланиї Павлович” у Руским Керестуре уручени и припознаня Дружтва за руски язик, литературу и културу (Дружтво) найвреднєйшим читачом у Оддзелєню Народней библиотеки з Кули у Керестуре (валалскей) и Библиотеки Школи „Петро Кузмяк”.
Припознанє „Мелания Павлович” як найвреднєйши читаче у валалскей Библиотеки достали школяре ОШ Дуня Апро з 1-а, Ива Сабо з 1-б, Дарио Кишюгас з 2-а, и Аня Ґовля з 2-б класи, штредньошколєц Дане Йованович и студент Ванеса Винаї.
Як найвреднєйши читаче у Школскей библиотеки Припознанє „Мелания Павлович” достали Емина Бики з 3-а, Ана Мария Малацко зоз 4-а, Лора Новакович зоз 4-б, Яна Настасич з 5-а, Ребека Семан з 5-б, София Семан зоз 6-а, Марина Джуджар зоз 6-б, Александар Киш зоз 7-а, Леонтий Сивч зоз 7-б, Давор Хома з 8-а и Теодора Новакович з 8-б класи.
Зоз штирох руских оддзелєньох Ґимназиї припознаня за найвреднєйших читачох достали школяре Себастиян Надь, Кристина Гайдук, Ясна Медєши и Андрея Сивч.
Колективне припознанє „Мелания Павлович” уручене школяром обидвох оддзелєньох 4. класи ОШ, чийо учительки Блаженка Бодянец и Веруна Медєши, хтори по школскей програми виучую литературну творчосц тей нашей поетеси.