РУСКИ КЕРЕСТУР – Тогорочна 23. Културна манифестация „Костельникова єшень” (КМ КЄ) будзе отримана од 18. по 26. новембер у вецей наших местох, дознава Рутенпрес од орґанизатора Манифестациї Дому култури Руски Керестур.
Схадзка Орґанизацийного одбору КМ КЄ будзе на вовторок, 1. новембра на 18 г. у керестурским Доме култури, на хторей службено буду утвердзени термини и програма Манифестациї.
Традицийна програма КЄ и Стретнуце рецитаторох, а планованє же Стретнуце того року будзе отримана на соботу, 19. новембра, як и дотераз у Кули (у ОШ „Петефи бриґада), у сотруднїцтве з Руским КУД „Др Гавриїл Костельник”.
Дом култури Руски Керестур поволує нашо КУД и школи же би найпознєйше по 8. новембер приявели своїх рецитаторох за участвованє на тим стретнуцу. Мож приявиц рецитаторох у трох возростох (младшим, штреднїм и старшим) на е-адресу dk.kerestur@gmail.com, лебо на тел/факс; (025) 703-032, 703-357.