НОВИ САД – На Житней площи у Новим Садзе, роботнїки ЯКП „Драга“ котри оправяли драгу, того тижня наишли на гроби хтори дакеди були часц теметова при церкви, звалєней пред вецей як 100 роками.
Археолоґи зоз Заводу за защиту памятнїкох култури вчера почали викоповац гроби, и пошвидко будзе утвердзене кельо точно єст гроби, гварела Душанка Веселинов, археолоґ зоз Заводу. За 021 вона гварела же ше знало за тот теметов, же походзи ище з 18. вику, а на нїм ше ховало и у 19. вику.
Шицки гроби буду означени, а косци преруцени до заєднїцкого гробу, вироятно на Успенски теметов, як цо то уж робене у случайох кед пренаходзени остатки старих теметовох.
Роботи на ушореню улїци Войводи Боїча и Житней площи уж пожня даскельо мешаци, а тераз буду претаргнути покля археолоґи нє поконча свойо роботи на тим месце.