МИКЛОШЕВЦИ/ЧАКОВЦИ – Школяре Основней школи Чаковци и Подручней школи Миклошевци у своїх местох вчера отримали крачунски програми за родичох и предшколски дзеци.
Вєдно зоз своїма учительками пририхтали музично-танєчни и рецитаторски змисти пошвецени найрадоснєйшому християнскому швету – Крачуну, як и Новому року.
У Подручней школи Миклошевци програма була по горватски, а потим дзеци котри виучую мацерински язик при учительки Лесї Мудри, виведли народни звичай Руснацох винчованя и колядованя на Вилїю.
На концу програмох Дїдо Мраз подзелєл крачунски пакецики, хтори обезпечела Општина Томповци.
