ВЕРБАС – Вчера у КПД „Карпати” отримана закончуюца програма дзецох предшколского возросту з обєкту „Слунечнїк” Предшколскей установи „Бошко Буха” з Вербасу, на хторей ше дзеци представели з рецитациями, шпиванками и представу „Шлїмачко и його хижа”, по роману Весни Видоєвич Ґайович.
Дзецох пририхтали воспитачки Виєрка Нота и Дюрдїца Кошарка, а зоз спомнуту представу пред тим участвовали и на Майских бавискох у Бечею, у рамикох Медзинародного фестивалу сценскей творчосци дзецох и младих.
З тей нагоди воспитачки Нотова и Кошаркова подзековали Дружтву „Карпати” же им оможлївело отримованє тей програми, а з тим порушане и медзисобне сотруднїцтво.