КОЦУР – Конєчни резултати Закончуюцих испитох з мацеринского язика, математики и комбинованого тесту з биолоґиї, хемиї, физики, историї и ґеоґрафиї обявени и у Основней школи „Братство єдинство”. Того школского року Закончуюци испит покладали 45-еро школяре осмей класи, од чого 9-еро школяре зоз руского оддзелєня.
На уровню школи, просеково резултати за мацерински язик виноша 11,64 боди. Найслабши резултати витворени на тим тесту то 1,5 боди, а найвецей посцигнути 19 боди.
Тест з математики на уровню школи закончени з резултатом 11,07 боди. Найменше число бодох на тим тесту то 4, а найвекше 18 боди.
Комбиновани тест школяре у коцурскей школи закончели з резултатом 13,18 боди. Найменєй боди на остатнїм покладаним тесту то 7, а найвецей 19 боди.
И у тей школи закончене пополньованє и придаванє лїстини жаданьох. Обявйованє урядових резултатох и розпорядок упису школярох до школох заказани за 13. юлий, а потим 14. и 15. юлия шлїдзи и упис до стреднїх школох.