КУЛА – Школско-спортска гала у ОШ „Петефи бриґада” у Кули, у хторей ше отримує наставу физичного, алє там робя и рижни спортски клуби з Кули, после вецеймешачншого оправяня од конца октобра знова у функциї.
До гали, хтора ма коло 400 шедзиска, положена нова полиуретинска подлога (по стандардох ФИБА), положени термоизолацийни панели на закрице и мури, а реконструоване и ошвиценє.
Оправянє школско-спортскей гали финансованє з буджету Општини Кула, а коштало 22 милиони 465 000 динари.
З општинского буджету ше финансує и вибудов спортскей гали у Сивцу, а нарок буду закончени и роботи на оправяню закрица на спортскей гали у Червинки.