КОЦУР – Члени Церковного одбору грекокатолїцкей церкви у Коцуре вчера на роботней акциї покошели траву у порти церкви, у парохиї, капеланиї, дзияковнї и у Етно-клубе „Одняте од забуца”, а потим орезовали ружи и поорали часц загради дзе ше шеє жито за пошвецанє.
Идуцих дньох члени Церковного одбору планую розкерчиц заграду за парохию, капеланию и Етно-клубом.
Понеже заграда барз запушена, будзе ушорена з машину, за цо Одбор обезпечел 50 000 динари. Заплановане же тота заграда будзе дата под аренду.
