Розвивац концепт билинґвалней настави

автор сен
879 Опатрене

НОВИ САД – Фахове усовершованє за образованє на двох язикох, та розвой билинґвалней настави була тема конференциї хтора отримана вчера, 12. мая. Конференцию орґанизовали Покраїнски секретарият за образованє, предписаня, управу и национални меншини-заєднїци и Британски совит.

Ресорни секретар Михаль Нїлаш здогаднул же основни и штреднї школи можу конкуровац за финансийни средства, у цилю запровадзованя проєкта билинґвалней настави. Надпомнул и же Министерство просвити, науки и технолоґийного розвою почало робиц на виробку правней реґулативи о двоязичней настави.

Проєкт уводзеня двоязичней настави подрозумює же дзецко учи ґрадиво на мацеринским и на странским язику, а у Войводини то углавним анґлийски язик. Двоязичну наставу до покраїнских образовних установох ше почало уводзиц 2010. року, а тераз у тим проєкту участвую 13 школски установи. Як наглашене на конференциї, на початку ше наставу отримовало на сербским и анґлийским язику, а тераз єст и школи хтори наставу отримую на мадяским и анґлийским, та горватским и анґлийским язику.

ПОВЯЗАНИ ТЕКСТИ