ШИД – На основи препоруки Општинскей комисиї, Општинска рада Шид розподзелєла буджетски средства за програми и проєкти з обласци спорту.
За порядни активносци розподзелєни 20 милиони 495 000 динари и по тей основи ОФК „Бикич”, ОФК „Бачинци”, ФК „Сримец” з Беркасова и ФК „Єднота” зоз Шиду достали по 216 000 динари. ФК „Раданички” зоз Шиду достал 7 милиони 650 000 динари и ище 850 000 за трошки транспорту.
Општински фодбалски союз достал 260 000 динари, а за реконструкцию спортских будинкох з буджету опредзелєни вєдно милион 020 000 динари. По тей основи ФК „Сримец” з Беркасова достал 75 000 динари.