„Рок Адолфа Добрянского”

автор зам
1.5k Опатрене

ПРЕШОВ (СЛОВАЦКА) – На своїм осемнастим зашеданю 2. априла у Прешове, Округли стол Русинох Словацкей (ОСРС), у хторим зєдинєни русински здруженя, професийни институциї и нєзависни активисти, идуци 2017. рок преглашел за „Рок  Адолфа Добрянского”.

„Рок Адолфа Добрянского” будзе преглашени з нагоди 200-рочнїци його народзеня (18.12.1817. у Рудлове, Словацка, умар 19.03.1901. у Инсбруку, нєшкайша Австрия), а будзе означени з вецей активносцами, прейґ хторих ОСРС нє лєм Русинох, алє цалу словацку явносц поинформує о активносцох и дїлу тей значней историйней особи за Русинох и Словацох у Словацкей.

Єдна з активносцох будзе и оспособйованє памятней хижи Добрянского у його родним доме у Рудлове, хтори тераз будинок грекокатолїцкей парохиї, и у тим напряме ОСРС уж превжал одредзени крочаї.

Народни будитель Русинох Адолф Добрянски бул и перши посланїк у Скупштини Угорскей за Горню Угорску и як посланїк ше закладал за права Русинох и Словацох. О його приятельских вязох зоз словацким народом шведочи и факт же бул и єден зоз сновательних членох Матки словацкей.

На спомнутим зашеданю вибране и нове Предсидательство ОСРС, а за предсидателя  вибрани Милан Пилип з Бардейова, котри од снованя Округлого столу бул його секретар. За секретара ОСРС вибрани Якуб Тулей, а до Предсидательства и Имрих Цупер, Теодосия Душа Латова, Ян Липински и Петро Медвидь, котри источашнє и портпарол Округлого столу.

4-Slovacka-02

ПОВЯЗАНИ ТЕКСТИ