РУСКИ КЕРЕСТУР – После вчерайшей побиди у другим змаганю у ярнєй часци першенства у Медзиопштинскей фодбалскей лиґи Зомбор (у 17. колє), керсетурски Русин ма 35 боди и на другим є месце на таблїчки.
Фодбалере Русину вчера на домашнїм терену зоз 3:1 победзели Гайдук зоз Стапару, два ґоли за Русин дал Милан Дюрич, а єден Алек Чижмар.
У шлїдуюцим колє, на соботу, 26. марца, Русин госцує у сушедним Крущичу, дзе бави процив Младосци. Початок змаганя на 15,30 годзин.