РУСКИ КЕРЕСТУР – После кратшей павзи, фодбалере рускокерестурского Русину внєдзелю, 24. януара, у спортскей гали почали з пририхтованями за другу, ярню часц першенства, хтора у Подручней фодбалскей лиґи Зомбор почнє 13. марца.
По початок першенства фодбалере буду мац коло 30 тренинґи и коло пейц приятельски змаганя, а перше змаганє плановане 7. фебруара.
Як за Рутенпрес гварел тренер Златко Саянкович, до Русину ше врацели троме фодбалере котри єден час бавели за кулски Гайдук – Стефан Бранкович, Александар Кочиш и Андрей Малацко, а з Русину до ФК Задруґар у Сербским Милетичу прешол Боян Бранкович.
У єшеньскей часци першенства Русин завжал штварте место на таблїчки.