КУЛА/РУСКИ КЕРЕСТУР – На конкурсу Покраїнского секретарияту за польопривреду, водопривреду и лєсарство, Општини Кула одобрени средства за три проєкти за реконструованє водоводних обєктох и обєктох канализациї.
Керестурскому ЯКП „Руском” за вибудов построєня за дезинфекцию води за пице з окремним продукцийним процесом на жридлу водоводу одобрени 10 милиони 500 000 динари.
За адаптованє водоводней мрежи и вибудов шахтох у улїци Петра Драпшина у кулскей Месней заєднїци Долнї город одобрени 2 милиони динари.
Општина Кула конкуровала и за ушоренє беґельскей мрежи, пре одводньованє польопривредней жеми, за цо одобрени 9 милиони 902 650 динари.
У подношеню проєктних вимогох Општина Кула технїчну потримовку мала од єй Аґенциї за розвой.